Edan留家抗疫由靚仔變留鬚頹Look 張天賦力讚兼好羨慕

2022-03-11 19:00

近月新冠肺炎第5波疫情嚴峻，政府收緊防疫措施，娛樂圈不少活動及藝人工作皆被逼延期或取消，不少藝人唯有留家抗疫。MIRROR幾位成員包括姜濤、呂爵安（Edan）、陳卓賢（Ian）及邱士縉（Stanley），之前一直開工拍ViuTV新劇《季前賽》，但目前劇組停工，因此眾人在家變相放「抗疫假」，Edan在家的日子索性玩「頽Look」，昨日（10日）在IG分享多條短片，再次放下「偶包」自拍留鬚頹樣，他還留言：「期間限定，鬍鬚安 #好多日冇出街了 #篇千字文仲打緊orz #大家聽晚見。」Edan除了嘴唇上邊的「二撇雞」外，下巴兩邊也留滿鬍鬚，跟平日青靚白淨的樣子截然不同。

各位爵屎係咪第一次見呢？

但呢個樣又好似有啲搞笑。

雖然好頹，但反應相當唔錯喎。

MC、張繼聰同小儀紛紛留言讚好同羨慕。

Edan貼出「頽Look」短片後，不單「爵屎」（fans暱稱）反應熱烈，連之前傳爭獎的MC張天賦也表現羡慕地說：「點解個個生鬍鬚都咁靚仔，我生極都係得幾條毛仔！」一齊拍《季前賽》的張繼聰則大讚：「我識有個鬍鬚佬，同你一樣都係咁型！」Edan好識搞笑回答：「唔通姓張嘅？！」自封Edan「正印」的小儀當然也有大讚Edan：「的水最正。」另外，今晚Edan會聯同成員李駿傑（Jeremy）及邱傲然（Tiger）做直播，跟大家留家抗疫，更有爵屎希望偶像能以「鬍鬚安」出鏡。