Lucy亂髮Look做唱片封套開價超抵 葉佩雯加入盲搶話有焦慮症

李璨琛的囡囡李元元（Lucy）今個月尾就踏入4歲，向來表演慾強的她，經常於社交網唱歌跳舞大放笑彈。Lucy從韓國女團BLACKPINK歌曲、到動畫《魔雪奇緣》（Frozen）主題曲《Let It Go》，至近排最愛張天賦（MC）的歌，無所不曉。Lucy媽日前在社交網上載女兒熟睡中的照片，當中見到她一頭亂髮，非常可愛，並寫道：「第時出EP一定要用呢張相做唱片封套。#唯美」。事隔數日，Lucy媽已火速願望成真，公開囡囡的「唱片封套」照。

 

Lucy真係好鍾意唱歌。

 

Lucy呢張一頭亂髮的熟睡相，Lucy媽曾表示想用來做EP的唱片封面。

Lucy媽在社交網分享一張以囡囡睡覺相製成的唱片封套相，上面印有「靚聲王李元元首張試機碟」字樣，當中收錄《Let It Go》、《Baby Shark》、《How You Like That》、《反對無效》、《記憶棉》、《時候不早》、邁向國際成名作《BOOMBAYAH》等歌曲，雙CD單碟價只賣38.8元 ，隨碟附送「波鞋，一盒雙黄蓮蓉月，仲送多包油沾米，包到降落傘咁大」，認真抵到爛。Lucy媽留言：「喺呢個網絡世界，有人成日暗暗地同我鬥無聊，send啲作品嚟挑戰我！邁向國際成名作boombayah。」

 

Lucy媽直言有人同她鬥無聊。

貼文一出，即引來大批Lucy粉絲留言搶購，而葉佩雯也加入搶購︰「只係賣$38.8咁抵買，真係居家必備！唔買就笨啦！真係要盲搶先得！手快有、手慢冇。」Lucy媽即回覆：「個個中晒盲腸炎，仲唔快啲同我搶。」葉佩雯笑回應︰「我都好想盲搶，你快啲公布啦，幾時有得搶？搞到我好心急呀！就嚟有焦慮症啊！」

 

葉佩雯好有興趣。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ