畢彼特 艾朗莊遜新幹線激鬥 《殺手列車》濃烈日本味首預告曝光

荷里活型男畢彼特（Brad Pitt）前年宣佈拍攝新片《殺手列車》，呢套2022年驚慄動作鉅獻即將於香港上映！電影由《死侍2》導演大衛雷奇執導，畢彼特連同《親親小站》喬伊金、《復仇者聯盟2：奧創紀元》艾朗莊遜等主演。
 

《殺手列車》是改編自日本作家伊坂幸太郎的暢銷小說《瓢蟲》，講述三組殺手在新幹線內各自有任務，扮演其中一名殺手的畢彼特，接到命令要偷走裝贖金的行李箱。從今日公開的官方首條預告片可見電影充滿日本味，包括見到富士山、東京鐵塔及東京繁華街景等等。

富士山。

繁華的日本街景。

預告開頭，畢彼特同Brian Tyree Henry身處新幹線上，前者用槍在枱底指住後者，Brian表示在靜音車廂暗示畢彼特唔好亂嚟，但畢彼特冇理，選擇照打交但細細聲進行，但都畀乘客投訴。之後戲中一眾要角輪住出場包括喬伊金、艾朗莊遜及真田廣之等，身穿和服拿着日本劍的真田廣之型爆登場，更有跟畢彼特坐在車廂中傾談的畫面。另外畢彼特又會同艾朗喺新幹線內有連場打鬥。有大量動作場面，又有日本景可以睇，好耐冇去過日本旅行嘅香港人睇咗當去咗，止住癮先啦。

畢彼特同Brian。

兩人身處靜音車廂。

要掩住口打交。

被乘客投訴。

畢彼特等緊車。

畢彼特喺車站儲物櫃拎槍。

又有打交場面。

個個殺手都爭呢個行李箱。

真田廣之出場。

坐喺列車同畢彼特吹水。

畫面好正呀。

畢彼特喺小食車卡預備打交。

片中主景。

喬伊金。

Brian Tyree Henry及艾朗莊遜。

畢彼特真係係咁打。

 

海報中有美籍日裔女星福原Karen扮演的車廂服務員。

之前電影釋出前導預告，模仿一家虛構的日本鐵路公司NSL廣告片，列車途經不同風景，旁白標榜旅程「寧靜、舒適、快捷」，最後一幕是畢彼特的特寫鏡頭，只見他一臉傷痕，狀甚無奈。

 

 

更多新冠疫情資訊請到以下專頁瀏覽：（按此）


立即下載｜全新《星島頭條》APP：https://bit.ly/3yLrgYZ