不可能任務｜張振朗撼爆玻璃氣氛緊張 何慈茵爆缸縫8針

張振朗在節目《不可能任務》任隊長率領隊員孔德賢、劉頌鵬、杜穎珊（Sandy）、古天祥、何慈茵、劉展霆（Eden）及戴祖儀（Joey），經過錢嘉樂及林迪安為期　10天的龍虎武師基本功訓練後，即拍攝畢業作品，並由張振朗和何慈茵打頭陣，再由Joey、天祥、Sandy、Eden、孔德賢及劉頌鵬先後接力。

張振朗與何慈茵由36米高空遊繩而下。

振朗腿功相當了得。

拍攝現場縱然偶爾玻璃碎片橫飛兼爆破連場，但並未有人因而受傷，事後嘉樂及迪安哥直指他們的重任就是要讓所有台前幕後安全回家：「我哋唔係淨係識擺鏡位同度招，我哋嘅行業雖然係高危，但我哋會用最安全嘅方法拍危險嘅動作。」現場所見，「安樂」單是拍攝振朗爆玻璃鏡頭已是高度戒備，嘉樂一再指導振朗如何擺手保護自己，迪安則著重教振朗如何於落地一刻避免受傷。振朗完成動作後，「安樂」亦即上前了解及叮囑工作人員盡快吸走振朗身上玻璃碎，畫面緊張之餘亦相當有愛。迪安哥坦言是次任導師是傾囊相授：「薪火相傳係好應該嘅，所以今次我嚟係義無反顧，連個保險箱嗰啲碎銀都拎埋出嚟。」
 

一完成呢個動作，振朗即刻乖乖按照迪安哥指導保持靜止，等候現場工作人員救援。

雖然沒有人因任務受傷，但拍攝現場還是意外頻生，其中何慈茵便於休息期間意外撞到玻璃以致頭破血流，隊長振朗聽到慈茵受傷消息後、更一支箭飛奔前往了解傷勢，更著慈茵千萬不要責怪自己影響進度。慈茵亦坦言傷勢比自己想像嚴重：「我嗰刻撞完都唔覺得會受傷，仲周圍望好驚俾人見到，因為好瘀。我知自己流血嘅，但我未照鏡見到個情況，所以仲好天真咁諗止完血可以繼續拍！點知傷口有成3cm，最後縫咗8針。」慈茵休息了一天便回歸劇組繼續拍攝，且所有動作均完美完成，專業精神可嘉。
 

振朗一見到慈茵即予以安慰。

之前獲迪安哥讚進步神速的Sandy亦受了輕傷，事緣扮演女俠的她拍攝吊威也部份時因身體不適不在狀態，結果於空中轉體時發生意外致鼻子受創。「安樂」見狀即急忙上前了解，眼見Sandy不斷拭淚，嘉樂心痛謂：「佢都唔識詐型嘅，我諗佢咁喊法好痛㗎喇。」迪安哥見狀亦搞笑問Sandy： 「假㗎你個鼻？（笑指她咁都唔嗌痛）」終令Sandy破涕為笑。Sandy事後坦言受傷一刻百感交集：「又痛啦、又冇自信啦、又有感動同感恩嘅喊。嗰日原來慈茵有特登返嚟睇我，每次喊我都係第一時間衝去搵佢，佢好明白我同安慰到我。」
 

Sandy因不在狀態受傷淚如雨下，獲縫完針回來探班的慈茵安慰。

大家最後向「安樂」獻上鮮花及表達謝意，振朗因不在港只能視像。

至於今（27日）播出的一集將，將由譚俊彥（隊長）帶領隊員李思雅、何泳芍、伍富橋、余應彤、鄔嘉駿、關曜儁及吳紫韻接受各樣考驗潛能及意志力的不可能挑戰。

更多新冠疫情資訊請到以下專頁瀏覽：（按此）
 
立即下載｜全新《星島頭條》APP：https://bit.ly/3yLrgYZ