29歲的朱敏瀚年初奪得本屆TVB最佳男配角，攞獎時漏咗多謝拍拖3年幾的17年華姐女友余思霆，事後補鑊喺訪問多謝返對方，當時女友已經返咗台灣嘞，仲話雖然分隔兩地都會互相支持。近年朱敏瀚備受公司重用，處於事業衝刺期的他坦言未有結婚打算。去年女方被公司派返家鄉台灣拍旅遊節目，由原定拍3個月最後拍咗成年都未拍完，朱敏瀚都話成年冇見女友好掛心！但日前余思霆快閃香港兩周，本報撞到二人喺銅鑼灣食晏，不過久別嘅兩人唔見糖黐豆，仲似乎有啲拗撬。採訪：梁志明

 

朱敏瀚入行11年，繼前年拎「飛躍進步男藝員」獎，今年再下一城拎到「最佳男配角」。

 

余思霆零裝扮出街，睇落當堂跌晒Watt。

 

余思霆雖然不時在IG分享性感照，好似永遠都在最佳狀態咁，不過呢日見佢零裝扮同男友出街，選美出身的她似乎有啲走樣。而她與男友成年冇見，同枱食飯兩個都黑口黑面，睇得出唔係傾啲咩開心話題囉！

 

余思霆成日分享性感照。

 

咁耐冇見，做咩黑口黑面呢？

 

都唔似拖友

朱敏瀚日前同女友余思霆喺銅鑼灣一間茶餐廳食晏，睇嚟應該唔多肚餓，純粹想搵個地方坐吓咁，事關兩個人只係叫咗一碗麵，余思霆食咗兩啖就推畀男友食。期間朱敏瀚聽余思霆講嘢都冇乜笑容，塊面甚至愈聽愈黑，之後索性撳電話。食完嘢歎埋杯嘢飲，朱敏瀚就攞咗女友部電話撳咗陣，又遞部電話畀女友睇，又討論咗一陣間。畀返部電話女友嗰陣，朱敏瀚拎多兩秒都好似嫌重咁，作狀想扔落枱玩女友，叫女友快啲接返部電話呀！

 

唔知余思霆手機顯示啲咩呢？

 

朱敏瀚拎多一陣女友部電話都好似嫌重咁，催女友快啲接返部機。

 

行街唔拖手

喺茶餐廳走人，朱敏瀚同余思霆全程都冇拖手，咁耐唔見點解好似唔多Sweet咁呢？之後二人傾住偈行到利園附近，余思霆就一早Call定車，一講Bye就直接上車走人。而朱敏瀚就上咗利園三期，唉！咁耐冇見，女友先返嚟兩星期，仲晒時間鬧交，希望唔好影響佢哋感情啦。

 

全程雖有傾講，但手都唔拖吓，睇嚟各自都未嬲完。

 

朱敏瀚同余思霆2019年因拍《好日子》擦出愛火，同年5月戀情曝光。

 

朱敏瀚舊年喺余思霆離港前一齊拍片，朱敏瀚一度因為唔捨得女友而喊。

 

余思霆返咗台灣成年，可以話係寓工作於娛樂，仲不時都見佢喺IG晒吓身材添！

 

余思霆日前快閃香港兩周，喺IG晒男友視角照被網民催婚，她回應叫大家唔好急。

 

近年上緊位嘅朱敏瀚，對每個角色都好認真。

 

更多第5波疫情資訊，請到以下專頁瀏覽按此

立即下載 | 全新《星島頭條》APP :https://bit.ly/3yLrgYZ