第5波疫情｜劉德華拍片致謝前線防疫人員：我哋一齊加油

香港第5波疫情愈見嚴峻，正身在內地拍攝新片的劉德華，除了捐出快速檢測包助抗疫、與眾星錄製最新抗疫歌曲《獅子山下 同心抗疫》MV版本外，華仔還在其官網上傳為大家加油打氣的片段，及他演唱全首抗疫歌的短片。

華仔亦以抗疫歌曲《獅子山下 同心抗疫》為大家打氣。

華仔在打氣片段說：「香港疫情非常嚴重，但只要大家一條心防疫，一定能戰勝今次疫情。首先，我向防疫嘅前線工作者、醫務人員、義工朋友講聲多謝，多謝你哋為香港人嘅健康所付出嘅所有心血同努力，辛苦晒！亦都希望喺呢度為被感染嘅朋友祈求，喺各方面嘅配合之下，大家可以盡快康復。我更加深信，所有嘅市民為家人、為大眾、為自己，一定會更加謹慎同小心，戴好我哋嘅口罩、減少聚會，面對疫情每一個人注意多少少，我哋就會多少少嘅力量，我哋一齊加油！」

劉德華之前也曾拍片呼籲大家齊心抗疫。

更多新冠疫情資訊請到以下專頁瀏覽：（按此）
 
立即下載｜全新《星島頭條》APP：https://bit.ly/3yLrgYZ