楊柳青拍《法證先鋒V》拳拳到肉 恢復自由身Manage自己事業

打女楊柳青（小青）跟經理人公司於下月底約滿，她決定不續約恢復自由身，她指因兩年前跟拍檔林子超開健身學校，一直有錢賺，直至租約期滿才暫時結束，她也有計劃物色新地點重開：「因為有少少做生意經驗，所以都想試吓manage自己嘅事業，不過都唔排除跟其他公司合作，其實一路都有其他經理人公司搵我，而家拍完劇，真係有時間坐低慢慢傾，不過點都好，希望之後可以拍多啲打戲。」

原來，今次拍TVB《法證先鋒V》，小青全部打戲皆親身上陣，帶給她很大滿足感，跟一班演員更合作愉快：「喺劇入面，我同袁偉豪、王敏奕、Gordon（組合天堂鳥成員葉泓聲）都係重案組伙記，大家同一team，所以有好多羣戲，成班人一聚埋就鍾意講笑，經常笑到收唔到聲，每日都唔捨得收工。套劇完咗，Gordon仲特登整咗件T恤送畀我哋呢team人，印咗大家嗰樣同名，大家仲着住影咗好多相，希望再有機會合作。」

 

打女楊柳青跟經理人公司於下月底約滿，回復自由身。

 

楊柳青拍《法證先鋒V》打戲全部親身上陣。

 

Gordon仲特登整咗件T恤送畀大家。

 

拍完一樣咁老友。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ