杨柳青拍《法证先锋V》拳拳到肉恢复自由身Manage自己事业

2022-02-23 11:00

打女杨柳青（小青）跟经理人公司于下月底约满，她决定不续约恢复自由身，她指因两年前跟拍档林子超开健身学校，一直有钱赚，直至租约期满才暂时结束，她也有计划物色新地点重开：「因为有少少做生意经验，所以都想试吓manage自己嘅事业，不过都唔排除跟其他公司合作，其实一路都有其他经理人公司搵我，而家拍完剧，真系有时间坐低慢慢倾，不过点都好，希望之后可以拍多啲打戏。」

原来，今次拍TVB《法证先锋V》，小青全部打戏皆亲身上阵，带给她很大满足感，跟一班演员更合作愉快：「喺剧入面，我同袁伟豪、王敏奕、Gordon（组合天堂鸟成员叶泓声）都系重案组伙记，大家同一team，所以有好多羣戏，成班人一聚埋就锺意讲笑，经常笑到收唔到声，每日都唔舍得收工。套剧完咗，Gordon仲特登整咗件T恤送畀我哋呢team人，印咗大家嗰样同名，大家仲着住影咗好多相，希望再有机会合作。」