張繼聰冒寒冒雨連跑兩日 共跑25K招積表示好EASY

張繼聰好鍾意跑步，鍾意嘅程度係幾忙都跑，幾凍都跑，落雨都跑。前日佢放假，家住大埔嘅佢冒住7度加落雨嘅極寒氣溫下，一早起身去跑步，仲決定跑15K，佢話:「有少少驚，兩隻腳變咗雪條咁，好鬼凍，黐線㗎。」

得七度照跑。

跑完兩公里，張繼聰個身開始暖。

阿聰話自己凍到僵咗。

 

跑完兩公里，張繼聰個身開始暖，到跑咗8公里開始返轉頭，仲跑住話「面不改容，EASY，點解面不改容?因為凍到僵咗。」跑完仲叫大家個心保持正面，祝大家身體健康，平平安安。

第二日佢又出發，雖然冇咁凍又無落雨，但一早出門都係好寒，佢出PO表示：「知唔知咩人最可怕？係自律嘅人😏人哋眼中嘅瘋狂係我嘅生活日常。」連柳俊江都留言話佢：「師兄，扯到條curve咁高，人哋跟唔到㗎⋯」開始起行，佢仲冇戴手套，話隻手裸跑，之後邊跑邊解構自己跑開嘅一段路，話有段路好多水0氹，啲車一行過就GG，話咁快跑完，阿聰好招積作總結：「夕陽無限好，咁就跑10K，YEAH。」

 

冇落雨已經爭好遠。

話呢段路好多水0氹，啲車一行過就GG。

跑到好爽。

阿聰話咁快就跑完10K。

之前同大仔一齊跑。

阿聰及老婆齊拍攝ERROR新歌《愛情值日生》MV。

張繼聰近日同姜濤拍攝ViuTV新劇《季前賽》。

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ