Ian新歌MV跟袁澧林演精神病患者感謝Hellosss一直不離不棄支持

2022-02-15 12:00

Mirror成員陳卓賢（Ian）的新歌《留一天與你喘息》昨日（14日）推出，此歌由Ian作曲，照字面釋人生忙碌；留一天跟自己心愛的人一起，有一個喘息的機會，而Ian亦指這是多謝fans的作品，他說：「入行以嚟都有高低起伏，但每次喺台上演出嘅時候，都望到台下呢班支持者，所以呢首歌有一個更重要嘅訊息，就係無論世界發生緊咩事，有幾危險，都仲有大家嘅存在，一班好重要嘅人。」

Ian將新歌的概念告知MV製作團隊後，團隊為MV構思了一個有趣的故事；男女主角被標籤為異類，捉入精神病院，在裡面受了很多的苦困，但二人最終卻逃脫，得到前所未有過的自由，可是對於前路卻茫無頭緒。雖然如此，男主角發現其實最重要的人在身邊已經很足夠。

Ian和Angela演繹精神病患者。

兩人由醫院逃走。

希望得到自由。

製作團隊找來袁澧林（Angela）與Ian扮演精神病患者，Ian很感激對方的參與：「Angela幫咗我好多，我哋第一場戲就要拖手，我本身有啲慢熱，但原來佢好easy going，成日喺度講笑，先令到氣氛冇咁尷尬。」而整個MV裡面，Ian最遺憾冇入到礦洞裡面睇，他說：「我第一次入礦洞，幾新奇，但我哋只係喺入口來回拍咗幾次，冇機會行入去睇下入面係點樣，有啲可惜。」