細蘇老婆自製雲吞麵迎情人節用蝦殼熬湯炆埋牛腩

2022-02-14 22:30

前年，細So（蘇耀宗）遭商台解僱再被踢爆背妻阿Wing（陳詠楠）偷食白滑KOL兼人妻練美施（Macy）兩年半，當中仲包含搞大人個肚及疑染性病，好老公及好老竇形象一鋪清袋，雖然最後獲太太原諒，但個朵咁臭在港都好難有得撈，一家四口最後低調移居英國展開新生活。

自偷食事件曝光後，細So一家已移居英國。

去年7月，練美施成為上市公司米蘭站執行董事及主席。

偷食事件後，細So刪除社交平台所有相片，深潛近一年於去年8月再活躍社交網，公開「My Daily Live」課金平台賺錢。而一向好鍾意Po家庭照及下廚作品照的蘇太亦再無更新IG。但1月5日，佢終於上水，在IG Story上載一張早餐相，教你用三分鐘整一個生酮早餐，當時發現以往貼滿家庭照的蘇太IG，只剩返食物相同單人照，兩個仔仔嘅相亦Cut剩好少，細蘇更完全冇影，以為兩人關係麻麻。不過，尋晚（13日）蘇太又Po IG Story嘞，鍾意煮嘢食嘅佢包咗雲吞迎接情人節，見佢好有心機用蝦殼熬咗一大煲湯，整咗四碗雲吞麵，細蘇同老婆加兩個囝囝，四碗啱啱好，另外仲有一碟炆牛腩，好有香港風味呀，食咗可以幻想自己喺香港。