Ian留言似感謝Hellosss支持 偶像被冷待粉絲洗版式質問花姐

MIRROR在近日舉行的各大樂壇頒獎禮上頻頻得獎，風頭一時無兩，當中以姜濤、盧瀚霆（Anson Lo）、呂爵安（Edan）、柳應廷（Jer）收獲最為豐富，其中被指是隊中「唱歌擔當」的Jer去年已先後推出四首歌，昨晚（24日）他在IG貼相宣佈明天（26日）又再推出新歌《MM7》，新歌宣傳相中的Jer畫上黑眼線及搽上指甲油，大玩妖氣新形象。而MIRROR經理人黃慧君（花姐）亦有在IG貼出Jer的新歌宣傳相，她還tag了Jer留言：「一見到呢張相就知MM7。」

 

Ian去年8月出過《搞不懂》，至今未有再出歌。

 

難怪Hellosss唔開心。

 

Jer明天再出新歌《MM7》。

 

不過花姐此post一出，即惹來另一成員陳卓賢（Ian）的「Hellosss」洗版式留言，質問為何Ian遲遲未有新歌推出，要求花姐作出交代。當中有人留言：「唔係話唔想呀jer出歌，但係我哋真係等咗陳仔好耐啦花姐，究竟幾時先到佢呀！！不過就算幾耐都好！話你知我哋都係會等架！」、「Ian自己幾個月前出咗story話佢下一首歌已經ready啦！唔使再同佢哋搵藉口啦。」

 

Hellosss和網友洗版式在花姐post留言。

 

其實都是Hellosss護主心切。

 

而Ian今日凌晨在IG限時動態以黑底白字留言：「善良的人很難得，大家遇到的話請必好好珍惜好好感恩。」不知是否感激Hellosss的支持？ 其實Hellosss已不止一次投訴花姐忽視Ian，而在商台的頒獎禮上，有網友指因Ian未能得到個人獎項，因此一度黑面。

 

Ian呢番話係咪向Hellosss及自己講呢？

 

希望Ian快啲出新歌。

 

立即下載 | 全新《星島頭條》APP : https://bit.ly/3yLrgYZ