细苏老婆自制云吞面迎情人节 用虾壳熬汤炆埋牛腩

前年，细So（苏耀宗）遭商台解雇再被踢爆背妻阿Wing（陈咏楠）偷食白滑KOL兼人妻练美施（Macy）两年半，当中仲包含搞大人个肚及疑染性病，好老公及好老窦形象一铺清袋，虽然最后获太太原谅，但个朵咁臭在港都好难有得捞，一家四口最后低调移居英国展开新生活。

自偷食事件曝光后，细So一家已移居英国。

去年7月，练美施成为上市公司米兰站执行董事及主席。

偷食事件后，细So删除社交平台所有相片，深潜近一年于去年8月再活跃社交网，公开「My Daily Live」课金平台赚钱。而一向好锺意Po家庭照及下厨作品照的苏太亦再无更新IG。但1月5日，佢终于上水，在IG Story上载一张早餐相，教你用三分钟整一个生酮早餐，当时发现以往贴满家庭照的苏太IG，只剩返食物相同单人照，两个仔仔嘅相亦Cut剩好少，细苏更完全冇影，以为两人关系麻麻。不过，寻晚（13日）苏太又Po IG Story嘞，锺意煮嘢食嘅佢包咗云吞迎接情人节，见佢好有心机用虾壳熬咗一大煲汤，整咗四碗云吞面，细苏同老婆加两个囝囝，四碗啱啱好，另外仲有一碟炆牛腩，好有香港风味呀，食咗可以幻想自己喺香港。
 

前年9月，细So在大屿山寓所前会见传媒，承认背妻出轨做错了，并多次双手合十道歉。

苏太已 Delete IG内所有同老公嘅合照。

苏太 IG内剩返好少囝囝相。

细So出事后已极速清空IG。

细So目前 Keep住每日一Live。

苏太在IG消失近年半后终于出新Po。

苏太自家制云吞面加炆牛腩。

苏太包咗好多云吞，仲放好四碗云吞面。

 

更多第5波疫情资讯，请到以下专页浏览：（按此）

立即下载｜全新《星岛头条》APP：bit.ly/3siPb0N