陳柏宇借粉絲追開紅館騷Part 2 公開向公司施壓

陳柏宇（Jason）去年12月的第二個紅館騷好評如潮，演唱會藍光碟亦快馬加鞭製作並預購中，ViuTV昨晚（12日）更安排首播兩小時版讓Jason粉絲大飽耳福及眼福；Jason在騷前騷後還開直播與粉絲交流，被問可會擔心大家看完電視被演唱會後就不幫襯買實體碟？Jason笑言冇蝕，大家可能睇完有機會買，實體碟有收藏價值，因除了收錄160分鐘的尾場演出、當中包括32首歌曲外，還有尾場嘉賓方皓玟，更收錄演唱會由構思、籌備至舉行的每一個細節、Jason在騷後的內心剖白及相集、漫畫畫冊等。

 

Jason在騷前騷後還開直播與粉絲交流。

 

有網民問，去年落力宣傳演唱會卻不被睇好，會否感不開心？Jason展現高EQ表示：「不被睇好係做個演唱會之前吖嘛，咁人哋唔睇好就唔睇好㗎啦！最緊要係做完個演唱會之後覺得自己做成點，同埋外面嘅迴響係點，幾好吖！」更坦言：「不被睇好係冇問題，係市場對你嘅產品嘅期望同埋個價值。」

 

開騷前不被睇好不重要，最重要是開騷後的迴響很好。

 

至於很多粉絲要求舉行Part 2，Jason笑言：「老闆的確有講過想做，就係喺今次演唱會慶功嘅時候，經過兩至三支紅酒之後而講嘅一啲嘢嚟嘅。如果係嘅話，我覺得我哋要𠵱家開始plan囉。」Jason笑指是公開向公司施壓，而他們更開玩笑說，開完Live便要開會傾。

 

與製作團隊線上開講。

更多第5波疫情資訊，請到以下專頁瀏覽：（按此）

立即下載｜全新《星島頭條》APP：https://bit.ly/3yLrgYZ