獨家丨麥明詩與前度成港大法律系出題主角林作被抽水：我榮幸

2022-02-13 17:30

林作自認是「香港抽水王」，但最近竟然被人倒抽返轉頭。日前林作在社交網上載一篇疑似是港大法律系一條習作題目，用了他和前度「十優港姐」麥明詩（Louisa）做主人翁，指Louisa將自購的工業單位，租予親密朋友林作開英文補習學校，事件涉違反工業用途。

涂毓麟原來係林作英國讀書時嘅中學師弟。

文中被形容是「half-baked legal training（半生不熟的法律培訓）」的林作，留言反擊：「致港大法律系：假假地我都係港大法律系 LLM + PCLL 畢業生、牛津大學學士畢業、大律師公會沈澄紀念獎學金得主及張奧偉爵士大律師事務所tenant，俾吓面好噃！」

林作被形容只有半生不熟嘅法律培訓，佢叫大家俾吓面！

林作同麥明詩雖然已分手，但仍經常被拉埋一齊變成話題人物。

林作話題目好有創意，麥明詩都叫學生讀得開心啲，好大方。

林作今日接受《頭條日報》電話訪問，透露題目是《勁歌金曲》主持、兼英國中學師弟涂毓麟轉發給他，他說：「幾好笑，港大法律系學生做嘅功課，土地法係必修科，題目應該係由教師set。」問是否真有其事？他說：「梗係冇啦，佢作大，又貶低我係咩half-baked legal training，借我為題，其實都唔關我事，佢哋可以用A同B，但就用咗我哋個名，個案情完全同我哋無關。（介意被抽水？）最鍾意人抽水，提升法律系學生嘅興趣，好有創意，係我嘅榮幸。」會否介意跟前度扯上關係？他說：「坦白講，主要唔想有人誤會係我寫，人哋做，唔係我做。」至於麥明詩亦以短訊回覆：「啲考試題目作得咁有趣，希望讀法律嘅學生讀得開心啲啦🤗」。

全文大意指Ms. Louisa Mak（麥明詩）將自己的工廈租予親密朋友Mr.Jock Lam（林作）林作，去經營英文補習學校，但政府租約條例說明工廈單位只可以被用作工業用途。當政府部門發出警告信後，被形容為「half-baked legal training（半生不熟的法律培訓）」的林作即向傳媒表示指控訴不合法兼過時，因特首在2018年已提出工廈活化用途，而其補習學校正正是標榜創造出香港頂尖學生的工廠，應獲酌情額免。林作叫Louisa不應理會狹窄的官僚主義，應反向高等法院提出呈請，但卻被較有法律知識的Louisa質疑其法律意見是否正確。