思家大戰｜《愛．回家》熊家VS龍家 尚善凌厲眼神激鬥大小姐
2022-02-13 12:45 
遊戲節目《思家大戰》今（13日）晚上演《愛．回家之開心速遞》之內訌番外篇，由「根叔」劉丹率領的「熊家」隊決戰由「大龍生」羅樂林率領的「龍家」隊，噱頭十足！「熊家」隊成員有「熊尚善」滕麗名、「熊若水」呂慧儀、「熊心如」蘇韻姿及「金城安」周嘉洛；「龍家」隊成員則有「龍力蓮」林淑敏、「龍力士」鄭世豪、「Terry」李偉健及「風少」陳浚霆。
思捷透露當初構思節目時，已希望邀請《愛．回家之開心速遞》成員做嘉賓，惜眾人非常難請，滕麗名聞言笑謂：「你唔係第一個遇到呢個問題嘅人，但你係第一個解決到個問題（嘅人）！」之後思捷八卦問丹爺：「你哋一家人係咪真係咁好感情？會唔會Cut機後嘴藐藐？」丹爺九秒九精靈妙回：「我哋嘴藐藐只係對外人咋嘛。」之後熊家即齊心地大嗌口號：「熊家精神，見得人，拜得神，唔會失禮人！」
未幾，熊家即親身示範如何藐爆外人，事緣劉丹介紹成員期間笑指只有「金城安」不是姓熊，思捷隨即「自掘墳墓」發問：「佢（金城安）老竇係邊個？」滕麗名聞言激動「投訴」：「有冇搞錯呀，你冇睇㗎咩？」之後熊家成員你一句、我一句圍攻思捷，最後思捷即賣口乖平息「眾怒」謂：「所以你哋咪Number one節目囉！」
「大龍生」羅樂林則原來與思捷老友鬼鬼，思捷一見到對方即「投訴」謂：「我哋呢幾年每一兩個月都會飲吓酒、食吓飯，但自從你拍劇後搵親你都話好多嘢做。」之後思捷扮嘢王上身模仿「籮籮孿」Say No口脗謂：「唔得呀！唔得呀，真係好多嘢做。」羅樂林見狀即「補鑊」笑指曾為李思捷獻出寶貴的第一次，最終成功安撫思捷，場面搞笑。
問答環節氣氛自然更加熱熾，兩隊之中以熊尚善、大小姐及風少戰意最濃，當中熊尚善的凌厲眼神更成功令她未埋牙先贏氣勢，大小姐則勝在夠晒眼明手快。至於「根叔」與「大龍生」戰鬥力亦出乎意料地高，當中尤以「根叔」最強勁，除了腦筋急轉彎精靈過人外，貼地指數更是比起一眾後輩有過之而無不及，更成為熊家過關最大功臣。
更多第5波疫情資訊，請到以下專頁瀏覽：（按此）
立即下載｜全新《星島頭條》APP：https://bit.ly/3yLrgYZ
最新回應