思家大戰｜李思捷遭舊同學狂窒 C君被J2隊爆衰鹹濕

2022-01-22 10:30

李思捷主持的遊戲節目《思家大戰》，將於明晚（23日）播出的一集參賽嘉賓，有來自J2的「陀地冇人性」隊，及家庭觀眾代表「同李學壞」隊。由歐陽偉豪（Ben Sir）率領的「陀地冇人性」隊，成員有陳嘉慧（Erica）、黃紫恩（Jojo）、伍韻婷（Juliana）及布樂文（JB），今集J2節目創意總監C君亦有現身捧場。

Ben Sir（左起）、陳嘉慧、黃紫恩、伍韻婷、布樂文

「同李學壞」隊同思捷係超過30年嘅同學。

至於家庭觀眾「同李學壞」隊，五人全是思捷相識至少30年的同學；不過五人與思捷一樣鬼馬，竟瞞著老同學思捷拍攝向製作組自薦影片，最終又真的因表現突出被選中上節目。隊長小Bill甫開始即狂窒思捷謂：「打極畀你都唔接。」思捷聞言妙回謂：「電話冇顯示你名。」豈料Bill再強攻反擊：「梗係啦！因為我電話唔係曾志偉個冧巴嘛，你梗係唔聽啦！」最終思捷招架不住無言以對。

思捷畀舊同學寸到冇聲出。

思捷慘遭圍攻，搞到樣都變埋！

今集問題難度指數頗高，令一眾參賽者陷入苦戰，其中一條「問咗100位女士，瞓醒見到李思捷喺隔籬會點做」，慘令思捷經歷情緒過山車，一時被眾嘉賓瘋狂「負評」，一時又被捧到上天。至於C君亦慘被擺上枱，事緣有一條問題是「衰老闆特徵」，J2隊回答時思捷竟叫他們以C君平日行為作為答案藍圖，結果C君當然落得一身負評，其中Juliana更因言語上有誤會、誤指C君「衰鹹濕」，思捷即時虛驚一場。