47歲徐濠縈新一年新嘗試兩個鼻窿中間戴圈狀鼻環幾好笑

2022-02-04 18:00

陳奕迅（Eason）好耐無蒲頭，雖然佢有社交平台但形同虛設，佢老婆徐濠縈就唔同，Po少陣都唔得，因為冇得出席公眾場合，但又想畀人知自己啲衫有幾靚，最好方法就係自己Po出嚟，冋埋最重要自己有間舖，有新貨想公告天下，話晒Followers近20萬，自己出Po慳返好多廣告費。

Eason好耐無公開露面，去年尾出Po去灣仔睇燈飾。

噚日陳太如常出Po Sell新衫，咦，點解佢個鼻有個鼻環嘅?戴鼻環都唔係問題，但一般見人戴喺鼻翼嘅一邊，但陳太就戴喺兩個鼻哥窿中間，今年係虎年唔係牛年喎，以為係期間限定，再返睇佢之前嘅Po，發現佢1月11日出嘅Po已經戴咗鼻環，但由於鼻環係細粒珠型，所以唔係好覺，雖然47歲，但陳太都好鍾意接受新事物，不過，戴細粒珠型係幾型嘅，環狀就真係好似牛，都幾搞笑吖。