黃偉文爆seed最憎人擅改歌名 千嬅《Mr.》最離題兼老套

填詞人黃偉文（Wyman）向來好討厭別人擅自改他的作品，身在英國的他日前忽然在社交網爆seed，重提當年金牌經理人Paco黃柏高經常在無預警下，將其作品歌名改到「求X其」，並點名指由他寫給楊千嬅的《Mr.》歌名最離譜，嬲爆指：「離題到爆又老套」！

Wyman留言：「可想過你那弱點，就是我剛剛想要。 #而家個歌名叫Mr #離題到爆又老套 #只不過係Paco旗下好多好多首粒聲唔出自己求X其改個歌名到出咗街我先知嘅歌 #之一 #其實問吓我先都係一個電話啫又有幾難呀 #如果我唔係每一個字都執著要撚到最好先見人我就唔應該做填詞人啦 #唔好立亂改我啲嘢 #更何況係歌名 #呢啲咪叫唔尊重囉 #所以唔好郁作家嘅心血 #否則真係記你一世」，亦有網民指一直也覺得不明白：「唔怪之得，其實一路都唔係好明呢首歌點解叫Mr。」網民都認為改歌名亦應先諮詢創作人，並是基本的尊重；亦有人希望透露原本的歌名，但Wyman暫時未有回覆。

 

Wyman最討厭人擅自改其作品。

Wyman指身為創作人，對每一個字都好執著。

 

Wyman投訴已非第一次，之後曾公開過1997年新加坡歌手許美靜《傾城》手稿，呻被擅改歌詞，但當時初出道無奈要接受。還有張學友與林憶蓮合唱的《日與夜》歌詞，Wyman亦不滿出街版「九唔搭八」。

 

Paco被Wyman點名指改過佢好多作品嘅歌名。

Wyman以往跟千嬅合作無間。

 

立即下載 | 全新《星島頭條》APP : https://bit.ly/3yLrgYZ