衛詩雅裱花蠟燭擺市集裱到手指屈唔埋勁擔心

2022-01-22 23:30

衛詩雅（Michelle）多才多藝，擁有專業鑽石鑑定證書、導遊牌、救生員拯溺章、船主牌、潛水牌、初級中醫證書、寵物傳心術等不少專業牌照，堪稱「娛圈牌王」。

近日Michelle再成就解鎖，考獲「蠟燭裱花導師」，更小試牛刀、自製錶花蠟燭進軍新年「大乾爹市集」。她透露是受到「富貴KOL」雪姨提議，首次擺市集，期間卻遇到不少「蝦碌」事，Michelle笑言：「好多甩漏，例如我唔記得買袋，人哋買走嘅時候冇袋俾人、唔記得買枱布，最後用咗自己屋企塊窗簾等等呢啲甩轆嘢。」不過，Michelle表示來捧場的客人都非常熱情，最難忘原來是大家都有關注她的網上頻道。

為了今次市集，Michelle化身工廠女工，日日親手裱蠟燭，最後搞到「工傷」，「因為我每一杯都係自己裱，裱到手好攰、好痛，有一日起身嘅時候隻手屈唔埋，我就好驚！呢個真係好難忘，因為驚隻手有咩事，不過隔咗兩日就好番。」