李國麟回應被封「最慘帶貨明星」:我係咪得罪咗人

2022-01-08 18:00
李國麟冇嬲被封最慘帶貨明星,但因團隊售後服務差令他當上劣質帶貨藝人。
李國麟冇嬲被封最慘帶貨明星,但因團隊售後服務差令他當上劣質帶貨藝人。

李國麟接受車淑梅電台節目《舊日的足跡》訪問,對被網民封為「最慘帶貨明星」,他聞言後笑稱:「好呀,我可以澄清一吓 ,其實我總共做咗四場直播,第一場7月尾喺杭州,營業額8萬多,流量59萬7千人次;第二場營業額38萬多,流量120萬人次,每次唔夠兩個鐘。」現被內地社交平台評為「劣質帶貨藝人」他直言牽涉團隊的售後服務未如理想,給粉絲的禮物遲遲未能送到,即使成功賣貨38萬結果退貨31萬。他直言非常失望,揚言不會再合作 。
後來,李國麟又參加了兩場直播帶貨,說:「嗰兩場同經理人公司做得好好多,做咗一次唔夠兩個鐘,一次四個鐘。可惜已被評為『劣質帶貨藝人』,營業額跌到7萬蚊,流量只得17萬幾。去年11月28日做最後一場,自己暫時停一停。」他稱會繼續登台、拍劇,因自己喜歡演戲多於帶貨做直播,帶貨只是想試試自己在陌生環境工作的能力。「我贏咗㗎喇,頭兩場佢哋都諗唔到有好成績!我贏咗㗎喇!好開心呀!」

李國麟稱頭兩場有意想不到成績,已贏了。
李國麟稱頭兩場有意想不到成績,已贏了。
李國麟強調不會做8小時直播,因為體力根本不能應付。
李國麟強調不會做8小時直播,因為體力根本不能應付。

李國麟續道:「突然睇到自己變成『最慘帶貨明星』,我就問搞乜鬼我係咪得罪咗人?」後來直播帶貨事件在內地反彈,一些貨主以為這是他的宣傳套路,反而有很多貨主要求合作。他的經理人公司辦公室本來已囤積了一些貨物,像一個小型超市,現在貨物多到變成了一個大型超市。他指事件令他經一事長一智,日後會小心選貨;更自言不會做8小時,因為體力根本不能應付。
對於會否怕這次事件影響形象?李國麟坦言:「我冇乜所謂。我入行46年,問題係點解會有咁樣嘅報道?我唔知點樣形容呢次事件,我冇嬲,只係好多同事關心我叫我小心啲,唔好咁辛苦!我屋企人都覺得好笑,因為我每次都同佢哋分享我嘅帶貨成績。」

報道令很多同事關心和叫他小心點,不要太辛苦。
報道令很多同事關心和叫他小心點,不要太辛苦。

李國麟表示現在最想返香港屋企,因為已在內地逗留了10個月。他現時與TVB的合約是每年拍一套劇,他想在自己仍然行得走得的時侯盡量去更大的市場發展,賺更多收入,令家人將來過得更舒服。「我好掛住屋企人,依家個女啱啱飛咗去英國讀Drama。仲記得2017年7月,我哋同一大班人慶祝佢15歲生日,嗰張嘴對嘴嘅相俾啲網民話我咁樣錫唔啱。其實當時只係開心分享,佢哋心態咁負能量,接受唔到唔緊要,我已經樂在其中,佢(女兒)係世界上最寶貴嘅嘢!」李國麟認為自己沒有做錯,即使他日自己年屆90歲仍會繼續錫50歲的女兒。至於女兒日後會否成為星二代?他指一切由女兒決定,他只希望女兒能開拓眼界,及學識做人。他自認非常寵愛女兒:「阿爸教落,唔知個女第二日嫁得好唔好,老竇錫咗佢先,如果萬一嫁得唔好,起碼都歎過吓父愛。」

女兒15歲生日時父女咀嘴曾惹非議。
女兒15歲生日時父女咀嘴曾惹非議。
女兒剛飛英國讀Drama了。
女兒剛飛英國讀Drama了。

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

熱門文章