青春不要臉|劉穎鏇著返泳衣選港姐 伍樂怡發白日夢啱演小龍女

2022-01-08 09:30
劉穎鏇演返80年代選港姐泳衣是一件頭;伍樂怡係好有小龍女Feel。
劉穎鏇演返80年代選港姐泳衣是一件頭;伍樂怡係好有小龍女Feel。

以80年代TVB藝員訓練班為背景的青春喜劇《青春不要臉》,將接棒《異搜店》17日晚首播!劇情講述一班各有夢想的年青人,透過在電視台的各種不同經歷,以汗水、淚水、歡笑及溫情交織出的成長故事。

四位女主角分別是外冷內熱戀姐狂姜之雁(劉穎鏇Tiffany飾)、爽朗豁達但內心脆弱的星二代溫楚瑜(戴祖儀飾)、仙氣逼人至超乎想像的當紅花旦姜之妍(伍樂怡Kelly飾),及「遇神殺神、遇佛殺佛」的剛強女幕後陳嘉敏(游嘉欣飾)。之雁為了能待在姐姐之妍身邊,千方百計找人提名參選港姐,最終排除萬難躋身三甲。

大粒癦的Joey展示超強搞笑實力。
大粒癦的Joey展示超強搞笑實力。
游游個角色唔單止有才華、仲要好公道同正義!
游游個角色唔單止有才華、仲要好公道同正義!

宣傳照所見,2016年港姐亞軍得主Tiffany,無論旗袍或泳衣均Carry得頗有美感,其中一款無敵Shoulder Pad長褸造型更是吸睛;兩位監製亦力讚Tiffany在劇中「愈戰愈勇」,後期更會散出一股獨特的巨星魅力,相當有氣質。於外國長大的Tiffany,雖已非首度拍劇,但應付中文劇本對她來說仍有一定難度,幸好是次獲監製教路得到顯著進步:「排戲嗰陣阿肯(監製林肯)話我讀中文對白時個語氣唔啱,佢叫我試吓譯番做英文,之後語氣就啱番。」

之雁都有甜美面。
之雁都有甜美面。
Shoulder Pad長褸裝。
Shoulder Pad長褸裝。

Joey飾演的楚瑜與其真人一樣豪邁爽朗;不過由於背負著星二代包袱,楚瑜飽受嘲諷兼要啞忍不公平待遇。在劇中會慢慢轉型為搞笑藝人的楚瑜,在宣傳照中展示了超強搞笑實力,無論大粒癦或是鬈髮嬌俏Look均演繹夠盡夠放!Joey笑指監製給予她的任務,是要放下外貌包袱:「我成日都擔心自己出鏡會包包面或者唔靚,所以會好在意兩側嘅頭髮有冇遮好塊面。後來監製話只要代入角色,做好啲戲,令個角色人物性格立體化,觀眾就會鍾意你,靚或者唔靚唔係重點。」

戴祖儀喺新劇入面,被要求放下外貌包袱。
戴祖儀喺新劇入面,被要求放下外貌包袱。
戴祖儀飾演性格善良爽朗「星二代」,但經常被欺負。
戴祖儀飾演性格善良爽朗「星二代」,但經常被欺負。

飾演電視台當家花旦之妍的Kelly,其造型仙氣十足,無論古裝或是80年代Look均甚為省鏡。除了造型吸引,之妍的人設亦相當「屈機」,善良純真有禮貌之餘,亦極富正義感,唯一缺點只是性格帶點迷糊。原來Kelly真人性格特質與劇中角色十分相近,加上獨特的「慢半拍」演出節奏,因而獲監製睇中!Kelly笑謂:「我聽監製講一直想搵人演小龍女,佢哋覺得我外形適合,就叫我試鏡。試完鏡之後,佢哋話我連性格都好適合,因為我咩都慢半拍,個樣又好似成日發白日夢咁,同之妍好似。」

宜古
宜古
宜今
宜今

游游飾演的嘉雯目標清晰、性格剛烈,故此造型純撲得來帶點霸氣。繼《香港愛情故事》後二度與監製林肯合作,游游透露是次監製給她的功課,是能夠順利完成喊戲:「之前《港愛》有場喊戲,我點樣都喊唔出,當時我叫阿肯打我鬧我,但佢又話唔識打人同鬧人,結果搞咗好耐。今次套劇都有一場喊戲,我就順利過咗關,拍出嚟監製都有讚話效果好,我都好期待出咗街會係點。」

游游今次喊戲有進步。
游游今次喊戲有進步。
游游今次同林正峰依然有大量對手戲。
游游今次同林正峰依然有大量對手戲。

立即下載 | 全新《星島頭條》APP : https://bit.ly/3yLrgYZ 

關鍵字

最新回應

關鍵字

熱門文章