陳健安封球場前最後一踢 強尼讚佢勁過美斯

因為新冠病毒變種病毒株Omicron在港爆發第五波疫情，防疫措施再一次收緊，包括再禁晚市堂食、收緊入座人數、郵輪公海遊停航、取消所有大型活動及康文署轄下體育場地會再度關閉，並已於昨日(7日)實施。

 

好鍾意做運動，亦好Like踢波的C AllStar成員陳健安爭取時間作封場前最後一踢，「踢埋今日又冇得踢，特別落力，好爽，然後一齊食飯飲汽水，又係食埋今晚，聽日開始做宅男。」見佢出盡力帶波，仲「通晒坑渠」，腳法相當唔錯，踼波片一見光就惹嚟幾位圈中男友人留言，包括Locker鬧佢唔預佢啦、保錡讚佢勁、 Anson Kong叫佢渠王，最好笑係強尼，問巴黎聖日耳們嗰邊有冇搵On仔?On仔答怕俾美斯傳染(新冠肺炎)而推咗，「最強強尼」唔放過佢，「簽咗你，佢走得啦！根本連傳染你嘅資格都無啊。」On仔轉數都幾快，回佢，「其實傳染只係藉口，其實我唔想俾法包𠝹損個咀仔。」

 

冇得踢14日波，自娛吓先。

On仔出盡力踢波。

通埋人坑渠。

衝呀。

Locker話On仔唔叫佢，保錡又讚佢勁，MR嘅MJ留言美斯。

強尼同On仔嘅對答。

AK讚佢係「渠王」。

 

C AllStar喺叱咤奪組合金獎及憑《集合吧！地球保衛隊》拎咗專業推介．叱吒十大第七位。

立即下載 | 全新《星島頭條》APP : https://bit.ly/3yLrgYZ