独家丨乔宝宝冇得去大马搵外快 英国疫情升温林子博习以为常

本港已进入第5波疫情，而喺英国，单日新增病例突破21万，居于苏格兰嘅乔宝宝按专家意见，全家已补打第3针，原先宝宝谂住趁疫情缓和时去大马搵吓外快，𠵱家因为好多国家禁止由英国入境人士，赚钱被逼煞停；至于喺曼城嘅林子博反而冇初嚟报到时咁惊青，仲趁圣诞新年长假带子女去玩。采访：方骞平 

疫情下乔宝宝贺妹妹个细仔牛一，只能搞小型派对。

 

子博平日同子女去做运动消闲。

 

经常追住疫情走嘅乔宝宝见惯「大场面」，所以轻松面对英国Omicron迅速蔓延，选择同病毒共存！他淡淡然说：「变种病毒Omicron感染力强，但杀伤力低，相比之前嘅病毒，苏格兰入院人数系少咗，不过，专家话以𠵱家咁嘅走势，预测未来接近一半嘅人容易感染到，伦敦成为重灾区，其次系伯明翰及曼城，因为18岁至30岁嘅年轻人唔锺意戴口罩，苏格兰啲人会乖啲。」 

乔宝宝、乔嫂嫂出入如临大敌做好防疫。

 

子博一家三口趁长假去咗伯明翰。

宝宝最担心家中老弱

乔宝宝家中有老有嫰，最担心80岁嘅妈妈，同埋多病痛嘅细仔，又怕孙仔BB容易受感染。他无奈道：「见步行步罗，出唔到去做嘢，等疫情好啲去吓旅行罗，𠵱家以家庭乐为主。」至于林子博喺英国生活咗半年，见到冇乜人戴口罩经已习以为常：「佢哋自律性唔够，又祟尚自由。不过，𠵱家有啲商场会自行叫市民强制性戴口罩，所以发现多咗人戴口罩，反而冇以前咁担心，其实都担心唔到咁多，只能做好自己。」首次喺英国过圣诞节，子博同仔女去咗伯明翰、利物浦、黑池。另外，既然有咁多人关注英国疫情，他有意拉埋朋友拍片做街访，了解吓当地人对疫情睇法及心态。
 

乔宝宝个孙仔超得意，难怪𠵱家以家庭为重。

子博又去咗利物浦，见四围无人先敢除口罩打卡。

 

踏入新嘅一年，宝宝即锡啖妈咪。

 

子博一家人同朋友喺英国食盆菜过节。

 立即下载 | 全新《星岛头条》APP : https://bit.ly/3yLrgYZ