魏浚笙自爆曾收男fans下體照被Edan嘲「咖啡豆」唔刻意澄清

2022-01-07 09:30

魏浚笙（Jeffrey）接受林柏希網台節目《月傾會》訪問，自爆性格帶點抑鬱，有時想法會好負面，幸好很快就忘記，例如疫情嚴重時，他突然喊；有時女朋友咳，他會好擔心是否發燒？跟住就好驚！被讚靚仔的他又自覺未去到神級，認為自己靚仔指數只得68分。

Jeffrey接受網台節目訪問。

自評靚仔指數為68分。

Jeffrey沒有偶像包袱，一早公開有個拍拖多年，現在更成為其經理人的女朋友Evelyn，日對夜對卻一點也不悶，他拍劇時，女友太忙不會跟場，他工作完畢回去見到女友即好放鬆好開心，並謂做過最冧女友的事，是情人節送99支玫瑰花給女友，自覺好威！他還透露心聲：「結婚冧啲，結婚啦！我一定結婚，我好想快啲結婚！」男神隨時封盤！

Jeffrey同女友日對夜對都不悶，還說想盡快結婚。

曾被Edan嘲笑過現形是「咖啡豆」的Jeffrey坦言不介意也不用刻意澄清，當問到他拍攝Viu劇集《iSWIM》時誰最「雄偉」？Jeffrey即好有自信話：「目測就真係冇乜特別勁喎，我又唔覺得我輸蝕喎，差唔多啦，大家Asian差唔多㗎啫！」Jeffrey更自爆收過男fans下體照：「又唔係好多張，兩三張囉！Block咗佢囉，有乜好睇啫，我都有啦！」問他心目中的真女神？Jeffrey當年看台劇《海派甜心》好鍾意楊丞琳，之後看韓劇又鍾意劇中的女主角；細個則覺得《超級學校霸王》中的邱淑貞好靚！