獨家丨莫家淦升呢玄學節目監製 C君畀機會開《世界轉運攻略》

2022-01-05 22:30
Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time 0:00
 
1x
    • Chapters
    • descriptions off, selected
    • captions and subtitles off, selected

      阿淦入行多年,一直都有想除了幕前,仲有冇機會在幕後發展。
      阿淦入行多年,一直都有想除了幕前,仲有冇機會在幕後發展。

      做了主持多時、近期拍劇為主的莫家淦,最近升呢做埋新派玄學節目《世界轉運攻略 》監製,他坦言今次機會多得新上任的J2台創意總監C君。阿淦早前搞了個網上頻道自編自導自拍自剪,他承認對做監製有一定幫助,而今次拍住一班年青主持及玄學家謝柳汝(Tasha),阿淦覺得指導他們多了另一份滿足感。採訪:杜淑霞 攝影:沈健程

      阿淦帶這位玄學家Tasha見C君,甫見面已達成合作計劃。
      阿淦帶這位玄學家Tasha見C君,甫見面已達成合作計劃。
      C君在節目拍攝時,經常到現場探望。
      C君在節目拍攝時,經常到現場探望。

      阿淦有這次機會始於去年開始主持新城《Bilibala開大喇叭》,當中有環節由90後玄學家Tasha以抽易經牌形式,為來電聽眾占卜運程,反應不俗,而Tasha想他幫忙搭路跟TVB合作,於是他跟C君提出,結果一拍一合,「C君好爽快話約出嚟傾,約咗返TVB去到停車場已經見到C君,佢第一眼見到Tasha,佢就話點呀,呢個相頭開節目啦』,佢話本身做《開運王》嗰啲都係李丞責同麥玲玲,呢種師父少見啲,所以一傾就一拍即合。」

      阿淦跟玄學家Tasha(右前)及主持陳嘉俊(左前)、吳洛汶(後左一)、胡敏芝(後左二)、呂靜文(後右二)及陳國麟(後右一)。
      阿淦跟玄學家Tasha(右前)及主持陳嘉俊(左前)、吳洛汶(後左一)、胡敏芝(後左二)、呂靜文(後右二)及陳國麟(後右一)。
      阿淦坦言因這班新主持經驗尚淺,會趁休息時多加提點。
      阿淦坦言因這班新主持經驗尚淺,會趁休息時多加提點。

      同觀眾玩互動

      阿淦坦言最初只諗住做媒人,沒想過有機會做埋監製,「C君最初有叫我做埋一份,但後嚟又話J2改革想多啲新面孔,問我不如做監製?」雖然他未做過監製,但有開網上頻道《淦粗嚟講》,慣了一腳踢,對做監製有一定幫助,「C君有睇過我啲片,佢都覺得我有啲諗法,會多咗份信任。我冇諗過咁快可以做到電視節目監製,自己有個夢想,做個平台拉埋啲班底做件事出嚟,然後慢慢令到電視台有興趣,但係冇諗過而家係跳咗個步驟。」

      由阿淦自編自導自拍自剪的網上頻道《淦粗嚟講》。
      由阿淦自編自導自拍自剪的網上頻道《淦粗嚟講》。
      近年主力拍劇的阿淦,在《愛·回家之開心速遞》演保安「王朝」為人熟識。
      近年主力拍劇的阿淦,在《愛·回家之開心速遞》演保安「王朝」為人熟識。

      今次節目除了會介紹其他地方的新年習俗外,阿淦透露觀眾還可一齊玩占卜,「以前睇開啲玄學節目,觀眾都係單向接收,但係呢個會有互動,會抽啲易經牌好似啲占卜塔羅咁,譬如問會唔會畀老闆賞識,就抽4張出嚟,觀眾可以一齊揀,跟住就解釋番每張牌意味一年至半年上司同你嘅關係,我哋希望呢個玩法得到啲年輕人,或者觀眾鍾意,好似《思家大戰》喺外國玩咗咁多年,就係可以參與埋一份,呢個仲可以免費幫你問卦就仲抵。」

      阿淦跟太太黎慧盈12年婚後,先後誕下朗翹和皓賢兩子。
      阿淦跟太太黎慧盈12年婚後,先後誕下朗翹和皓賢兩子。

      立即下載 | 全新《星島頭條》APP :https://bit.ly/3yLrgYZ

       

      關鍵字

      最新回應

      關鍵字

      相關新聞

      You are currently at: std.stheadline.com
      Skip This Ads
      close ad
      close ad
      本網站正使用 Cookie

      我們使用 Cookie 改善網站體驗。 繼續使用我們的網站即表示您同意我們的 Cookie 政策。 Cookie 政策