張沛樂（沙律）同ERROR成員吳保錡（保錡）2019年尾被踢爆拍拖，有指男方背模特兒女友賴嘉賢（Carrie）搭上沙律，之後保錡爆粗鬧Fans加上疑流出「食女」錄音等新聞，男方自知「易燃」兩人都戀得低調。沙律去年10月度過30歲生日，保錡仲自爆準備神秘節目為女友慶祝，非常恩愛。不過11月中本報喺銅鑼灣撞到沙律行街食飯，心情似乎唔多好，見佢全程面黑黑對住好友大呻：「都幾大壓力！」估計當時同保錡嘅感情應該開始出問題。採訪：梁志明

 

沙律同保錡2019年底被爆拍拖，近日傳出已分手。

 

沙律同保錡疑似情海翻波，前者刪除IG上與保錡的合照，發文更意有所指：「過去就不想了，希望新一年能遇到更好的人和事。」而保錡就刪剩2張與沙律的合照。日前男方出席叱咤頒獎禮，問及分手一事即落閘表示：「感情事唔方便回應。」其實去到分手呢步又豈會是三兩日的事，難怪早排撞到沙律行街心情都咁差啦！

 

沙律告別2021年第一步竟然係刪除與保錡的合照，發文又意有所指。

 

保錡在份去吒咤坐，提到分手，佢話感情事唔回應。

 

幫襯名牌廚具品牌

記者喺銅鑼灣見到沙律與友人時，她手上已拎住個瑞士名牌廚具品牌購物袋，相信是剛剛在附近的分店Shopping完。這個品牌除了有家電也有食譜和廚具，未知沙律是否想增進廚藝呢？不過得益人應該就冇保錡份嘞！

 

沙律手持瑞士名牌廚具購物袋行街，睇嚟想增進廚藝，下任男友有福嘞！

 

向友人呻爆大壓力

沙律同朋友晚餐去食上海菜，全程傾唔停，記者仲聽到沙律都幾大聲講咗句：「都幾大壓力！」可能呻緊同保錡嘅感情問題，傾到連電話都冇時間拎上手睇，沙律中途離開座位去洗手間，先拎出電話覆吓訊息。埋單走人都唔願走，喺銅鑼灣兜嚟兜去繼續傾，睇嚟沙律真係好多心事要講喎！

 

同朋友食上海菜全程雞啄唔斷，沙律仲呻咗句：「都幾大壓力！」

 

傾到去洗手間中途先得閒拎出手機望兩眼。

 

食完飯仲喺銅鑼灣兜嚟兜去繼續傾。

 

沙律推出新寫真集，呢期喺IG狂宣傳，不斷提Fans預購。

 

沙律仲有保留上年生日保錡為她慶生的貼文。

 

Carrie曾大爆保錡未分手就搭上其他女仔，直指他偷食。

 

沙律因為好身材係連登仔嘅前女神。

 

去年10月，沙律加入ViuTV，以為她與男友保錡將來會有合作，現在看來機會不大了。

 

沙律於2016年參加ViuTV的選美節目《美選D.n.A》，不過最後八強止步。

 

沙律以火辣身材為賣點，幾乎參加過的影視作品都要她晒身材。

 

立即下載 | 全新《星島頭條》APP : https://bit.ly/3yLrgYZ