欣宜指秋官頒獎禮前叮囑以平常心面對獲長輩越洋祝賀爆喊

2022-01-05 12:00

在商台頒獎禮成為「雙料歌后」的鄭欣宜，昨晚（4日）為新碟《Joyce To The World》在尖沙咀舉行派對，與歌迷一同慶祝，同門的馮允謙現身到賀。欣宜表示頒獎禮後不停收到朋友祝賀，社交網爆滿祝賀留言，鄰居也來敲門遞上唱片索取簽名。欣宜又說在頒獎禮翌日相約兩位重要的人，回到成長的地方九龍城慶祝，當中到公園玩及吃東西，結果引來不少人上前要求合照，欣宜笑言好像落區一樣，感受到大家的熱情和愛。欣宜表示得獎是開心，但不可忘記自己初心，要加倍努力做得更好。

即場獻唱新歌。

自爆收到在加拿大的長輩祝賀，即時爆喊。

可有打算拿同獎項飛返加拿大，到媽咪沈殿霞（肥姐）墓前分享？欣宜表示本計劃本月底飛返加拿大，已訂購機票及回程隔離酒店，怎料卻突然宣布由14日變為21日檢疫隔離，而公司安排了工作，因此最後被迫取消行程，她說：「本來想俾家人驚喜，因為姨媽初二生日，但依家好肉赤，隔離酒店好貴又唔可以退錢。咁又唔使咁浮誇帶獎項畀家人睇，佢哋年紀大都唔會好留意新聞，不過頒獎禮當晚返到屋企，已收到老人家短訊，戥我好開心，你是應得，我喊到呢…唔慣聽到呢啲說話。」爸爸鄭少秋有否送上祝賀？欣宜說有收到短訊，在頒獎禮前一晚還跟爹哋食飯，當時爸爸一貫語氣叫自己平常心面對。

Fans帶同應援物品到場祝賀欣宜。

馮允謙亦到場為欣宜打氣。

欣宜指頒獎禮前跟秋官食飯，他叫自己平常心面對。

此外，欣宜與MIRROR的盧瀚霆（Anson Lo）擔大旗，成為今年商台《拉闊音樂會》頭炮演出，音樂會將於4月3日舉行，但欣宜卻大賣關子：「今日唔好講呢啲，因為呢張碟係由29歲至34歲，女人最黃金時段去等呢張碟誕生，如果今日唔去專心講呢張碟誕生，會對唔住我嘅青春，我今年35歲中女啦，下次見再答你。」