叱咤頒獎禮丨Anson Lo險重演「關家姐」攞獎 聞林海峰講恭喜嚇到暈

2022-01-02 00:25

Anson Lo以為自己攞「最喜愛男歌手」,嚇到暈咁樣。
Anson Lo以為自己攞「最喜愛男歌手」,嚇到暈咁樣。

林海峰在昨晚(1日)商台頒獎禮惡搞MIRROR人氣,笑言要舉行MIRROR樂壇流行榜頒獎典禮,以MIRROR元素大唱改詞版Hit歌,鏡粉推介專業十大包括《留下來Edan》、《俏肥姜》等,又笑言男歌手金獎得主「前夫」,女歌手金獎得主是「花姐」黃慧君,而至尊歌曲大獎《先夫為敬》,將欣宜一首《先哭為敬》歌詞改為:「向你的先生致敬!」搞笑一番。

不過,講到全晚高潮位,是林海峰頒發「我最喜愛的男歌手」時,逐一介紹5強名單,林海峰突然恭喜Anson Lo說:「恭喜晒!恭喜你!」連Anson Lo都唔敢相信自己得獎,瞪大雙眼,而身邊兄弟包括姜濤就興奮搖晃他,又傍住他企起身,林海峰即來個反高潮說:「唔係唔係,我恭喜你好忙咋,我都嚇死,我都想恭喜你呀!」之後輪到姜濤,又說:「姜濤呢個獎係屬於你架......上年呀,你哋唔好咁急得唔得呀!而今年係冧莊,係我冧莊再頒呢個獎。」疑有鏡粉立即催他快些頒獎,欠些重演「關家姐」上台攞獎事件。

最後真的由姜濤冧莊得「我最喜愛的男歌手」,他在台上自豪地說:「我今年冇O嘴,要多謝嘅人太多,留番啲時間同香港呢個地方講,曾經許下一個諾言,今年好多人會覺得我唔知自己講緊啲乜,但我喺呢個地方,我好有信心我哋今年一定係亞洲第一!」

聽到林海峰講「恭喜」,AL驚喜到瞪大眼難以置信。
聽到林海峰講「恭喜」,AL驚喜到瞪大眼難以置信。
身邊兄弟超興奮,姜濤更推AL企起身攞獎。
身邊兄弟超興奮,姜濤更推AL企起身攞獎。
AL企起身後,林海峰先話係恭喜佢好忙,玩謝!
AL企起身後,林海峰先話係恭喜佢好忙,玩謝!
Anson Lo今年樂壇成績不俗。
Anson Lo今年樂壇成績不俗。
林海峰被台下觀眾叫「快啲」。
林海峰被台下觀眾叫「快啲」。
姜濤奪「我最喜愛的男歌手」。
姜濤奪「我最喜愛的男歌手」。

 

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad