黃庭鋒剛拍完TVB新劇《OPM》首當男一，最近再拍緊重頭劇《法證先鋒V》，挾住力捧優勢角逐今年台慶頒獎禮「飛躍進步男藝員」，黃庭鋒卻睇好「男飛躍」係「馬羅丁」（馬貫東、羅天宇、丁子朗）之爭。

 

黃庭鋒認為能夠打入「男飛躍」6強已被公司肯定。

 

同湯洛雯及Ben Sir等剛拍完TVB新劇《OPM》，黃庭鋒首當男一。

 

黃庭鋒形容今年個個候選人都好出色。

 

黃庭鋒睇好「男飛躍」係「馬羅丁」之爭。

 

除黃庭鋒外，「男飛躍」6強還有羅天宇、林正峰、胡鴻鈞、丁子朗及馬貫東，庭鋒形容個個都好出色，真係強敵當前：「唯一自己最有優勢喺《把關者們》火場殉職嗰幕戲，咁啱遇著掛8號風球時播出，所以多咗觀眾睇到，而且又感動到佢哋，我諗個角色會幫到我少少！」

 

他認為最有優勢喺《把關者們》火場殉職戲感動到觀眾。

 

黃庭鋒同劉佩玥喺《把關者們》中好Sweet。

 

帶埋棒棒入場打氣

他眼中嘅胡鴻鈞係多劇男一，又開完個唱，已「升呢」去到「最佳男主角」嘅範疇，至於丁子朗綜藝及劇集表現好穩定；阿東能亦正亦邪；天宇每個角色拿揑都好好，「馬羅丁」獲獎呼聲較大：「呢個獎由5強添加到6強，我入到圍都好驚喜，到時我會帶埋棒棒入場同人哋打氣。」

 

阿東能亦正亦邪。

 

丁子朗綜藝及劇集表現好穩定。

 

胡鴻鈞早已「升呢」去到「最佳男主角」嘅範疇；而天宇每個角色拿揑得好好。

 

林正峰今年表現突出。