鄭中基寸爆漢堡包貨不對辦 網民：你有壓力個包都有

鄭中基(Ronald)向來敢言，勇於發表個人立場，今日佢就喺社交網站出post，放咗個壓扁咗嘅漢堡包，而個hamburger壓到似凸埋條脷（煙肉）出嚟求救咁樣，好搞笑！因為個包「淋pat pat」好唔開胃，Ronald抵死地用廣告原圖做對比，明顯係貨不對辦，大圖中hamburger嘅厚度係被壓扁咗一半，Ronald寸爆留言：「係咪俾人踩咗腳呢？」

 

風趣嘅鄭中基出Post都好笑過人。

 

呢個圖文一出即惹嚟好多留言，網民好有創意反問：「係咪湘姐（經理人）幫你買㗎？可能怪錯間舖呢！」有啲網民又好抵死咁話：「俾人踩到伸咗條脷出嚟」、「你有壓力個包都有」、「伸晒脷好似好嚴重咁」、「漢堡包係欺凌對象」，甚至有網民放咗張紮腳圖，留言：「包得太緊啫！」

 

經理人湘姐(左)、右係助手阿Step，兩人跟Ronald係好拍擋。

 

網民留言好有創意。

 

又關湘姐事？