冼靖峰家人元旦捧場未感緊張 何晉樂要開工冇得跟朋友狂歡
2021-12-29 00:30 
一班TVB《聲夢傳奇》學員及星夢歌手，將演出元旦晚在中環海濱活動空間舉行的「聲夢維港Party Together演唱會2022」，前日（27日）冼靖峰（Archie）、何晉樂（Rock）及蔡愷穎（Lolita）結伴到Band房綵排，Archie坦言每次演出都有壓力，因此每次都特別請唱歌老師幫手練歌，目前已練了兩、三個星期，還開心表示屆時全家人也會捧場。
至於在家人面前表演會否特別大壓力？Archie笑說：「唔會，我會當係得一位觀眾，而且我日日喺屋企練歌時都走晒音，屋企人都聽慣，最鍾意喺浴室練歌，Feel好啲，而且浴缸迴音大，再加上水滴聲，會以為自己唱得好好，自我感覺良好，上到台信心都大啲！」
而Rocky與Lolita當晚將分別以結他、鋼琴自彈自唱， Rocky又自爆首次除夕夜被朋友飛甩：「以前每年除夕夜，全班朋友都會一齊倒數，但今年要綵排，俾朋友飛起，TVB一早已俾咗心理準備，預咗新年及所有節日都唔會有假放。」Lolita亦因要練習而將缺席除夕晚好朋友的生日派對，惟有預早祝福對方。
最新回應