陳瀅方力申開派對共度聖誕 玩遊戲黐住坐毫不避嫌
2021-12-28 15:30 
陳瀅與方力申（小方）緋聞傳出多時，一直未有認過。早前二人同場欣賞胡鴻鈞演唱會時，更尷尬到暈，陳瀅堅拒與小方合照，仲愈嗌愈走，拉都拉唔住，令小方當場勁尷尬。不過，二人原來只是表面上避忌，來到聖誕節就一齊度過。
前日（26日）Boxing Day，小方、陳瀅及一眾圈中好友羅天宇、蔡思貝、何雁詩、賴慰玲及張子丰等開聖誕派對，雖然沒提及去誰人屋企，但這個不是重點，眾人影大合照時，分男女兩排前後坐，小方與陳瀅就一左一右隔開幾個身位，同框但又有點距離，只是到眾人圍埋玩遊戲時就見真章，圍圈坐時就見到小方和陳瀅坐在一起，二人的關係當事人先知，不過正如何雁詩留言所講：「So much FUNNNN 玩下board game，交換吓垃圾（低級禮物），玩吓jenga，玩下7級豬～咁就過咗一個充滿小學雞笑聲嘅一日，大時大節最緊要都係同屋企人同朋友一齊，唔洗洗好多錢，簡簡單單已經好開心」，冇錯！最緊要係同邊個度過。
最新回應