林家謙對創作獎大滿貫保持不卑不亢信心

2021-12-28 18:00

林家謙今日為活動擔任頒獎及表演嘉賓，昨日則以領獎者身份出席《新城勁爆頒獎禮 2021》，並獲頒「勁爆唱作人獎」及「勁爆歌曲獎」，在今年第一個樂壇頒獎禮即連奪兩獎。

才華洋溢的林家謙有否信心取得各大頒獎禮的創作獎大滿貫？他笑謂：「冇特別想過會唔會，有獎當然開心，冇亦唔介意，我唔能夠預計自己嘅成績，因世事難料，但我會一定程度保持不卑不亢嘅信心。」他笑言終於打破一般歌手說的「平常心」，幽默指要有創意，因活動與創意有關，自己也是創作人。

提到新EP《Seven》反應踴躍，他透露預購已超額6、7倍，已經加印，並很感恩在現今的市場，大家會肯為自己的音樂買實體碟，又笑謂：「我相信唔會係為咗我個樣買，哈哈！」此外，昨晚司儀之一的沈殷怡以大露背晚裝現身，豈料行樓梯上台時被長裙絆腳，林家謙見狀原本衝前攙扶，但沈殷怡反應敏捷已立即保持平衡，有驚無險未有跌低。