Juicy叮｜與女友因婚事嘈交 港男被未來外父一句「搵10萬都無用」激嬲
2021-12-26 16:37 
有港男近日在討論區發文，指自己與女友因結婚的事吵架後，女友亦與爸爸在客廳爭吵；未來外父之後找他入房，竟指「唔係話睇你唔起搵4萬幾，就算你搵10萬，你再搞到我個女嬲，你都無運行」，令他相當不解跟女友吵架，與收入多少有何關係。
港男認為自己有學歷及專業知識，亦有車有樓，與女友出街吃飯送禮住酒店都是由他埋單，稱自己「無用女友一分一毫」，到訪女友家時更會「買生果，會買好嘢，禮數做到足，有家教」，質疑「咁都被人睇唔起？」他又指，自己沒有向女友覆述未來外父所說的話，因不想女友不開心，「但我想講我嬲到瞓唔到覺」。
不過網民看完帖文後指，既然未來外父已表示問題與樓主的收入無關，不應多次強調自己的收入及身家，「人哋咪就係話唔關呢啲事，你仲講」、「都話你搞嬲女朋友，其他都係廢話」、「人哋就係同你講唔關錢事，就算你搵多少都唔關事嘛」，著樓主注意自己的態度。
網民亦解讀未來外父的言下之意，「佢意思係搵到錢唔係大晒，搞唔掂個老婆都係一身蟻，你Uncle就係睇得出你覺得自己本事但忽略咗其他嘢」、「佢意思係，唔好以為你搵到幾個錢就老奉脾氣大，唔惜佢個女就算你搵到錢都無用」、「唔怪得Uncle講呢句，你包起晒我個女條件有幾好又點，搞到寶貝女唔開心你一樣無運行」。
資料來源：「連登」
關鍵字
最新回應