Juicy叮｜名牌袋被夾港鐵車門外女子肉赤：個袋3萬幾蚊㗎

2021-12-23 08:59

當港鐵車門即將關上時，乘客不應衝門或強行上落車，否則可能會有受傷或財物損失！網上流傳影片，顯示一名女乘客疑因衝門，名牌手袋的肩帶被車門夾住，手袋更被「拒之門外」、隨車飛馳，埋站時更不斷與玻璃門碰撞，引起車廂內乘客驚呼。

根據該段影片，該名手袋女主人大嘆「激死」，表示以為手袋被夾住，車門應會自動打開，但卻事與願違；隨後列車進站時，手袋與站內玻璃門激烈碰撞，發生陣陣「啪啪」巨響，手袋內的物件亦懷疑隨之掉落於路軌，女事主語帶無奈指「我個袋玩完喇，3萬幾蚊㗎」。

至列車停站後，車門打開，事主才終於可與「飽歷風霜」的手袋重聚。不過，雖然手袋並無表面傷痕，內裡已空空如也，連乘客都忍不住指「你真係要搵職員喇」。據了解，涉事名牌手袋為Celine小牛皮中型Classic手袋，價值3.45萬港元。

影片在網上瘋傳，引起網民熱議，部分人同情事主經歷，「個袋冇咗事小，入邊啲嘢無晒先煩」、「好陰公」、「好慘啊…冇哂啲嘢點執」。不過亦有不少人幸災樂禍笑言，「牛皮應該好硬身」、「勁啊！咁chock法條帶都無斷」、「唔好唔開心，至少你今日令到大家笑咗」、「Celine今次真係要多謝事主，間接話俾啲客知，點解個袋值三萬幾，幫佢做另類宣傳」、「好彩下一站都係開呢邊門」、「個袋質地好得，買得過」。

關鍵字