異搜店｜陳曉華演環保少女當垃圾係寶 麥秋成做衰人有大膽親熱戲
2021-12-20 11:00 
由陳曉華（Hera）、何廣沛、吳業坤擔正的新劇《異搜店》，將於今晚（20日）首播。劇中飾演環保少女祖儀的Hera，經常與垃圾為伍，除了見到街上被丟棄的膠樽會如獲至寶，對臭味熏天的雞籠亦愛不釋手，更會落足力清洗！祖儀熱衷環保、心地善良之餘，性格亦十分樂天，故不時出現可愛、活潑表情，與男友Andy（吳業坤飾）拍拖時，又會展現嬌俏及撒嬌樣，相當GFable！
至於廣沛飾演的德信，則是劇中唯一功能角色，只要一觸碰二手物件，便會有異常反應兼且腦海會浮現零碎的畫面及片段。廣沛謂：「啲物件會畀我感應到佢哋過去有啲咩故事，然後引領我去搵出一啲背後嘅真相同秘密。今次每個單元都好特別，佢哋篇幅較一般單元故事長啲，發展複雜之餘又不時出現反高潮，自己就好推薦。」
首度演戲的麥秋成，雖然是處男作，但秋成已能完全放下「形象」包袱，飾演貪心、計較兼心機重的馮祖輝，不但對妹妹祖儀相當差勁，又恃著母親彩霞（黎燕珊飾）偏心，經常橫行霸道；縱然並非大奸大惡，但卻頗乞人憎，難得秋成卻笑指角色很好玩，並透露與李君妍將有親熱戲：「個故仔係講我同佢俾人落咗藥，會有親熱鏡頭，都幾大膽。」
最新回應