鄭嘉穎有精靈囝囝陪睇《仁醫》大結局 播完感失落盼再見鬍鬚醫生

鄭嘉穎有份主演的TVB《星空下的仁醫》昨晚（22日）播映大結局，一早已安坐家中欣賞，而且還有最忠實「觀眾」一齊陪收看。嘉穎今早在IG上載與細仔鄭承亮（Yannick）合照，見Yannick眼仔睩睩，似乎好肉緊望住部電視，而嘉穎則在身後笑瞇瞇，留言：「噚晚大結局，今朝已經有啲失落😭，唔知之後幾時先會再見到鬍鬚醫生呢？」而太太陳凱琳昨日亦有上載相片，並說：「眼定定準備睇大結局。」一家人都好期待。

今次都可算是大團圓結局，多宗醫療事故，原來都是因為儀器公司提供劣質的止血超聲刀，最後院長在臨終前講出整件事真相，鍾教授（龔慈恩飾）亦釋懷。而三對戀人亦有情人終成眷屬，焚爺（鄭嘉穎飾）和Eman（鍾嘉欣飾）一齊睇星星，樊爺趁機搭住Eman膊頭，Eman沒有抗拒還好sweet挨落去，網民都睇到好肉緊，留言：「好彩冇推開佢咋。」