獨家丨張崇德開演唱會搵埋贊助超大壓力 張崇基返加國前與弟最後一Show

張崇基、張崇德兩兄弟由2002年舉行《二人之重唱》演唱會，到本月31日及明年1月1日嘅兩場《2021最後的基會難德演唱會》，先後開過十次Show，今次仲係跨年舉行，張崇德形容係十全十美的結局，張崇基表示將返加拿大定居，將來只能換個形式再合作。採訪：方騫平 攝影：沈健程 化妝：Fa Tsang @ Jennifer’s Workshop 髮型：Kenji Ng @ iL colpo

張崇基及張崇德最後一次開騷，Fans表示不捨。

 

對上一次演唱會於3年前舉行，林子祥係表演嘉賓。

 

張崇基為9歲兒子決定移居加拿大。

開演唱會要兼顧埋製作、票房甚至搵贊助商，崇德坦言攰到頂唔順，不論體力及精神壓力都承受唔到：「尤其知道嗰日票房唔好，即彈起身尋求宣傳對策，相對做歌手輕鬆得多，on show前操吓就ok。」

開演唱會要兼顧埋製作、票房甚至搵贊助商，崇德坦言攰到頂唔順。

同小鳳姐互相支持
張崇德坦承開Show「揸莊」咁耐都試過誤墮陷阱，搞到要蝕住做，但要做到無損心情，算係人生課題之一。而最難忘係2006年同小鳳姐(徐小鳳)同期開show，小鳳姐依然攝到時間為他們做嘉賓，而他和劉美娟都有去捧小鳳姐場，證明同行唔一定係競爭，仲可以互相支持咁先好玩。對於時下樂壇多新秀，張崇德好欣賞MIRROR：「好記得兩年前幫個客搞Show，即使鏡仔只係唱3首歌，個個演出單位只係排練半小時，而佢哋排足3小時，其實佢哋經已跳得好齊，但花姐仍然有要求，咁個個好乖係咁跳，縱使安排畀佢哋打亂晒，但睇到佢哋付出，好專業。」

兩年前張崇德曾經同鏡仔合作過，大讚他們夠專業。

 

2002舉行《二人之重唱》演唱會，鄭秀文驚喜現身。

 

2006年兩兄弟同小鳳姐同期開show，張崇德和劉美娟去捧小鳳姐場。

 

話咁快張崇德仔大女大，而且好有音樂天份。