譚嘉儀明年1月開處女騷邀胡鴻鈞做嘉賓別具意義

2021-12-21 19:30

譚嘉儀、陳柏宇、麥家瑜、羅凱鈴、安俊豪等今日到將軍澳電視城錄影《勁歌金曲》，將於下月28日舉行處女個唱的嘉儀，透露將獻唱演唱會主題曲《Eyes On Me》，演唱會將於麥花臣場館表演一場，希望若反應好可以有加場機會，她表示：「其實已籌備咗幾個月，今次為演唱會做一件好少做嘅事，準備咗跳舞快歌《Eyes On Me》。（請誰做嘉賓？）今次為演唱會同MV都碌咗人情卡，嘉賓方面我已打電話畀胡鴻鈞，佢幫我拍咗第一首歌嘅MV，希望由佢見證我嘅演唱會，佢冇托手踭，好樂意幫我，只等佢有冇期。」

嘉儀為演唱會積極節食及做gym，問會否騷一下馬甲線？她笑言要看成績，但排舞練習密麻麻，辛苦之下也瘦了。她又指新歌MV預算破個人紀錄，花了6位數製作，多謝朋友借出跑車圍在她身邊轉圈飄移，她也吊到三層樓高的貨櫃上跳舞，形容是驚險刺激。