胡鴻鈞坐港鐵唱歌如入無人之境 太不修邊幅唔敢認自己

胡鴻鈞（Hubert）、關心妍、吳若希等今日為《勁歌金曲》錄影，日前胡鴻鈞乘坐港鐵被人影到在車廂內唱歌，他表示見到片段時也感錯愕，他說：「當時深夜返屋企，車廂內冇其他人，我係戴住耳機聽歌，不自覺就唱歌，唔知自己嘅惡行畀人偷拍咗。」

Hubert即將舉行演唱會，所以要爭取時間練歌，他表示不用工作時，便會放下戒心，試過做gym邊踏機邊唱歌，被身邊人凝望。而他亦很喜歡搭港鐵，既慳錢又慳時間泊車，他透露曾被一位媽咪級的乘客認得，他說：「當時嘅自己好『烏搲』，所以我冇認，令對方好失望，下次出街會刻意打扮一下。」