甄子丹被老婆出茅招摔低 唔敢諗17歲囡囡將來拍拖
2021-12-20 21:30 
甄子丹今晚攜太太汪詩詩出席時尚舞會，談到拍短片在網上分享，子丹被太太在室內競技場打低，詩詩承認當時有出茅招踩過界才推倒老公，但自己也有好認真操fit，子丹說：「我冇讓佢，太太真係操得好fit。（會否夫妻檔拍武打片？）我又唔可以打佢，畀佢打又會冇面。」記者提議另找他人在戲中打太太？子丹笑說：「對方唔會敢打啦，因會怕事後會畀我打番，哈哈！」
詩詩談到表妹湛琪清剛生完BB，今個聖誕會四代同堂歡度，亦已買了很多嬰兒產品送給BB，購買禮物時見到BB產品都覺好可愛，子丹聞言也稱，懷念子女的小時候。提到大女甄濟如（Jasmine）今年17歲，已到拍拖年齡，子丹坦言是自然定律，若沒人追就驚，詩詩指女兒若有男友一定要先給她過目，子丹說：「喺我心目中仔女仲係小朋友，都唔想諗佢哋拍拖呢件事。」
最新回應