甄子丹被老婆出茅招摔低 唔敢谂17岁囡囡将来拍拖
2021-12-20 21:30 
甄子丹今晚携太太汪诗诗出席时尚舞会，谈到拍短片在网上分享，子丹被太太在室内竞技场打低，诗诗承认当时有出茅招踩过界才推倒老公，但自己也有好认真操fit，子丹说：「我冇让佢，太太真系操得好fit。（会否夫妻档拍武打片？）我又唔可以打佢，畀佢打又会冇面。」记者提议另找他人在戏中打太太？子丹笑说：「对方唔会敢打啦，因会怕事后会畀我打番，哈哈！」
诗诗谈到表妹湛琪清刚生完BB，今个圣诞会四代同堂欢度，亦已买了很多婴儿产品送给BB，购买礼物时见到BB产品都觉好可爱，子丹闻言也称，怀念子女的小时候。提到大女甄济如（Jasmine）今年17岁，已到拍拖年龄，子丹坦言是自然定律，若没人追就惊，诗诗指女儿若有男友一定要先给她过目，子丹说：「喺我心目中仔女仲系小朋友，都唔想谂佢哋拍拖呢件事。」
最新回应