Juicy叮｜憂免費搭車日影響生意 的士司機問應否休息惹議

立法會換屆選舉投票日今日舉行，多間公共交通機構包括港鐵、巴士及電車等都提供免費乘車優惠。一名的士司機於社交網發文指，預計不少市民選擇乘搭巴士、地鐵等，對的士生意造成影響，猶豫應否休息一天，引起熱論。

該名的士司機於facebook群組「的士司機資訊網 Taxi」發文指，因為今日巴士、地鐵、輕鐵全部免費，故對生意額不敢抱樂觀態度，「都係食埋早餐，慢慢嚟做，無期望，就無失望」。他直言，「其實今日的士係咪應該休息？因為好多車都免費，但我哋要收錢」。

帖文引起一眾行家留言，有人直言「今日做到車租已贏了」、「7點開工到而家，得兩舊水」；亦有人認為因客源不同，故影響不大，「坐慣的士嘅人，或有需要坐的士嘅人，唔會因為巴士地鐵免費而唔坐的士，除非佢哋唔出街」、「總會有人寧願畀錢都唔想同人迫」、「西貢郊野公園照樣多人，生意額保持不變」。

資料來源：的士司機資訊網 Taxi