Juicy叮｜質疑的哥刻意「兜路」 女乘客扯火：我住跑馬地㗎
2021-12-14 12:58 
人品好壞，不能根據居住地點或學識斷定。網上流傳一段影片，一名女子帶小孩子乘坐的士時，質疑的士司機刻意「兜路」，正當的哥詳細對方向解釋時，該名女子突然性情大變，大聲呼喝指「我梗係知啦，我揸車㗎嘛」，期間更表示「我唔同你呢啲粗人講」、「我住跑馬地㗎」，疑似以身分地位人身攻擊！
有的士司機在社交媒體Facebook群組「的士司機資訊網 Taxi」上載一段車Cam片，事發於上周六（11日）下午約2時，當中他正細心向坐後座的中年女乘客解釋，不經告士打道前往跑馬地的原因，對方本來語氣正常回應，及後突然「扯火」，大聲指「我梗係知啦，我揸車㗎嘛，咁但係我唔係靠揸車搵食呀嘛」。的哥見狀，立刻著對方「喂唔關我事㗎，小姐你唔好發我脾氣」，並解釋自己已很有心機解釋行駛路線，只是對方不明白並突然呼喝。
女乘客之後叫的士司機「你可唔可以收聲」，的哥質疑她「唔夠佢講」，她就指「我梗係唔同你呢啲粗人講啦」，的哥指「我冇話我係斯文人」、「我唔知你有幾斯文囉」。怎料女乘客子突然彈出一句「我住跑馬地㗎阿哥」，的哥便表示「自己檢討下自己行為啦，跑馬地，自己唔識路，又驚我兜你路」、「衰過啲人住屋邨」，對方此時指「我冇朋友住屋邨㗎喎」，的哥則表示「我都冇朋友住跑馬地」，女乘客立即笑指「哈你梗係冇啦」。
影片引起網民熱議，不少人都批評該名女乘客的態度，「以為住跑馬仔好高尚」、「開頭好哋哋一秒5夠變公主病」，亦有人大讚的士司機「c（師）兄真係好修養，遇著呢啲人仲同佢講道理，居然1句粗口都無」。
資料來源：「的士司機資訊網 Taxi」FB
最新回應