Juicy叮｜無品客枱底遺香口膠 港女穿絨褲遭殃向食店索償被拒

出外用餐時，若不慎沾到座椅污漬應如何處理？一名女網民於社交網發文指，日前到一間連鎖壽司店用餐時，被枱底一個香口膠黏在褲子，最終無法清除，留下污物痕跡。女網民欲向壽司店追究責任，對方卻稱非員工失誤，故拒絕賠償，並要求她自行向上一手食客索償，事件引起熱議。

該名女網民於facebook群組「香港壽司刺身關注組」發文指，日前在屯門一間平價壽司集團分店用餐時，發現枱底有香口膠，「結果就黏住咗條絨褲」。其後樓主到洗衣店時欲除去香口膠時，獲告知不能乾洗，終無法清除痕跡。

樓主遂向該店的負責人問責，惟對方僅稱與公司商討後，因非其員工的失誤令樓主受損，而是第三者造成的問題導致，故公司不會賠償，但可協助樓主報警處理，亦會翻查閉路電視提供給警方調查。

樓主對回應深感不忿，質疑對方趁機推卸責任，「喺疫情底下冇做好清潔居然話唔關你哋事！」、「好想知道佢嘅清潔準則係啲乜嘢？原來枱底就唔使清潔？」，並指「我只係要返條褲賠款而且有單有據，點知佢唔肯賠錢，話要賠現金券」，她直言上一手食客固然欠缺公德心，但店舖清潔亦責無旁貸。

帖文引起網民熱論，有網民批評該店不負責任，「有疫情都唔做足啲清潔，仲要推卸責任，上手香口膠周圍黐係衰，但唔代表佢地無責任清潔喎」；亦有網民指一般食店的清潔難以顧及枱底，「其實只能講係你唔好彩、好難怪佢唔清潔枱底、舖頭肯賠優惠券都算係咁」。

有網民則獻計希望幫助樓主清除褲上香口膠痕跡，「上網睇人用冰，凍硬香口膠再去除」、「試下用風筒嘅熱力 睇下嚿膠會唔會溶」。

女子於連鎖壽司店用餐時，不慎被枱底一個香口膠黏在褲子。FB圖片

壽司店的回應。FB圖片

資料來源：香港壽司刺身關注組