崇德戥歌迷被嘲笑心痛 崇基感激細佬幫助圓夢

張崇基及張崇德日前接受TVB娛樂新聞台節目《StarTalk》的訪問，兩兄弟又再即將舉行跨年音樂會，取名為《最後的基會難德》，意指是最後一次兩人合體開騷，崇德說：「一來阿哥已經移民加拿大，未必下下有機會返香港搞騷，疫情之後有好多嘢更加難估計，而且今次係第10次開演唱會，好似好圓滿！」

兩兄弟日前接受主播許文軒（右）訪問。

兩人指今次大有機會是最後一次的音樂會。

 

兩兄弟坦言最不捨多年來一直支持他們的歌迷，崇德表示：「有啲fans好慘，佢哋以前話俾人知鍾意我哋會俾人笑，我聽到嘅時候好心噏，點解我做歌手，做到鍾意我哋嘅人會俾人笑。」崇德指兩人的確曾被質疑做歌手及開騷的能力，深感不憤，因此才下定決心推出發燒碟和舉行音樂會，堅持自己的音樂路。

林子祥（中）也曾出任兩兄弟音樂會嘉賓。

 

訪問中兩兄弟亦互相感謝對方，崇基邊說邊感觸：「多謝上帝畀咗個咁好嘅細佬我，我性格比較浪子，好多時感覺唔係好積極，但細佬一直push我行，如果唔係佢親力親為落手搞第一次嘅演唱會，我根本冇可能keep住唱，所以我哋今次會好好珍惜呢次最後嘅演出。」

崇德（右二）的太太劉美娟（右）為他們音樂會打點一切。