張崇基張崇德除夕騷冇兩手準備 擔心實施兩針睇騷唔知點退飛

張崇基和張崇德兩兄弟即將在除夕舉行一連兩場《最後的基會難德》演唱會，今日二人到電台宣傳時透露演唱會籌備得密鑼緊鼓，但一直未知如何解決入座率、不能落台與觀眾接觸、檢測等問題。

政府最新防疫措施擬打兩針才可入場館睇騷，兩人聽到消息感無奈。崇德說：「唔好啩，買咗飛嘅觀眾點樣呢？現時防疫措施已經好好，有安心出行，我哋亦都打晒針，疫情都穩定一段時間，大家都識得去保護自己。」二人坦言暫時沒兩手準備，擔心萬一實施兩針睇騷如何應對退飛及其他問題。崇德知道有樂手屬長期病患者，未能打針，只能配合一切檢測。崇基亦希望不用打針入場，「唔係唔想打針，有啲人打唔到，好唔公平，在疫情下搞娛樂發放正能量，我哋自己投資小公司，唔知點解決，冇得補畀人。」

張氏兄弟到電台接受薛家燕節目訪問宣傳除夕騷。

由去年籌備開騷至今一年間，兩人長期處於忐忑狀態，現在可以八成半入座率，擔心又會再下降，希望一切順利完成。今次演唱會是兩兄弟10年來最後演唱會，會將過去9年精華濃縮帶給觀眾，相信是最精彩一次，崇基本身已移民加拿大，今次太太及小朋友也會回港睇騷。

由去年籌備開騷至今一年間，兩人長期處於忐忑狀態。