崇德戥歌迷被嘲笑心痛 崇基感激细佬帮助圆梦

张崇基及张崇德日前接受TVB娱乐新闻台节目《StarTalk》的访问，两兄弟又再即将举行跨年音乐会，取名为《最后的基会难德》，意指是最后一次两人合体开骚，崇德说：「一来阿哥已经移民加拿大，未必下下有机会返香港搞骚，疫情之后有好多嘢更加难估计，而且今次系第10次开演唱会，好似好圆满！」

两兄弟日前接受主播许文轩（右）访问。

两人指今次大有机会是最后一次的音乐会。

 

两兄弟坦言最不舍多年来一直支持他们的歌迷，崇德表示：「有啲fans好惨，佢哋以前话俾人知锺意我哋会俾人笑，我听到嘅时候好心噏，点解我做歌手，做到锺意我哋嘅人会俾人笑。」崇德指两人的确曾被质疑做歌手及开骚的能力，深感不愤，因此才下定决心推出发烧碟和举行音乐会，坚持自己的音乐路。

林子祥（中）也曾出任两兄弟音乐会嘉宾。

 

访问中两兄弟亦互相感谢对方，崇基边说边感触：「多谢上帝畀咗个咁好嘅细佬我，我性格比较浪子，好多时感觉唔系好积极，但细佬一直push我行，如果唔系佢亲力亲为落手搞第一次嘅演唱会，我根本冇可能keep住唱，所以我哋今次会好好珍惜呢次最后嘅演出。」

崇德（右二）的太太刘美娟（右）为他们音乐会打点一切。