P1X3L重提缺席叱咤記招事件　被Do姐問到前言不對後語

由《全民造星II》的吳啟洋(Phoebus)、葉振弘(Marco)和歐鎮灝(George)組成的男團P1X3L，今年的出道單曲《Braceless》曾登上「903專業推介」，卻未見在頒獎禮記招現身，其後3子在IG限時動態吐苦水，表示「連入場券也無緣」。今日P1X3L接受Do姐(鄭裕玲）電台訪問，並重提事件，3子卻有點前言不對後語。

 

P1X3L被Do姐問到前言不對後語。

 

George先說︰「嗰日咁啱撞正我哋有工作，睇IG見到有人post有記招，點解我哋冇嘅？」Do姐再問：「首先有冇通知你哋先？有冇提名？」George：「冇人通知，有提名歌《Braceless》。」Do姐質疑是否他們婉拒主辦單位，3子靜了幾秒後，Phoebus表示︰「其實我哋都想出席嘅，不過咁啱又真係有工作，可能公司幫我哋做咗決定，工作行先，咁就做咗工作先。」

 

提到3子當日在IG的放負貼文，George即推卸︰「係Phoebus post先，我見佢post我順勢post。」Phoebus再續說：「其實我哋都好想出席，但係又冇得出席，做完嘢返到去，攰啦咪開始放負。」3子顯然有點尷尬，而且與之前所講的，明顯有點前言不對後語，但無論如何，他們強調亦會出席屆時的頒獎禮。

 

冇得出席叱咤記招，即喺IG放負。

 

（左起）Phoebus、George、Marco（資料圖片）